Papiamentu

”Huntu ku otro Oropeononan lo mi kier traha pa un Oropa fuèrtè, sosial i sigur”

Registrashon
Pueblo di Aruba, Kòrsou i Sint Maarten mester registrá pa por vota pa e elekshon Oropeo. Por hasi esaki na: www.d66.nl/registreren

D66-Kandidata #3 pa Parlamento Oropeo

Fuèrtè

Un Oropa unda ku kada un di nos ta bon konektá ku otro i ta den koperashon ku henter mundo a base di kondishonnan honesto i durabel.

Sosial

Un Oropa sosial: oportunidat pa un i tur ta un prioridat halto. Esaki por trata salubridat públiko, edukashon, asuntonan laboral of refugiadonan. Tur hende tin e derecho ariba edukashon, kuido di salú, i un posishon legal i protegí ariba merkado laboral. Tur hende meresé un futuro próspero.

Sigur

Ku mi eksperensia ariba e área di siguridat i konosemento amplio riba tereno sosial mi sa ku igualdat sosial tin un influensiá positibo ariba nos siguridat. Esaki na su turno ta rekerí un miho koperashon den área di siguridat den Oropa i un esfuerso komun pa ku cybersecurity. Nos tur lo kier subi internet sin preokupashon i sin miedo.

Punto di Bista

E generashon nobo por a benefisiá di un Oropa sigur i stabil. Nos por a biaha, sigui un estudio, kore stage i bishitá famía i konosínan. Pa e motibo aki e generashon nobo mester lanta pa proteha e logronan di Oropa. Nos kier un bon futuro pa nos mes pero tambe pa nos mayornan i e generashonnan anterior.

Pa un Oropa fuèrtè i sigur, kondishonnan honesto i durabel ta di gran importansia pa komersio internashonal. Aki tambe igualdat di oportunidat ta sentral paso esaki lo stimulá oportunidat pa desaroyo atraktibo pa esnan enbolbí. Hóbennan ku bandoná nan pais den kantidatnan halto ta causa daño na nan komunidat natal pasobra e migrashon aki ta krea pobresa i instabilidat. Un Oropa fuèrtè tambe ta nifiká ku lo tin akshon vigoroso i husto pa ku e causanan di imigrashon i protehá imigrantenan pa e peliguernan ku nan por enfrentá na kaminda. Ku otro palabra, una bes ku nos a risibí e personanan aki nan lo pasa dor di un proseso lihé i husto.

Pa ku e islanan Karibense ku ta fòrma parti di Reino Hulandes mester perkurá pa lo siguiente.

  • Fortifiká e lasonan entre Union Oropeo ku e islanan den Karibe ku ta parti di Reino Hulandes, paso nan tambe ta forma parti di e famia Oropeo.
  • Garantisa pa Aruba, Kòrsou, Boneiru, Sint Maarten, Saba, i Sint Eustatius akseso pa e fondonan Oropeo.