Papiamento

”Hunto cu otro Europeanonan lo mi kier traha pa un Europa fuerte, social y sigur”

Registracion:
Pueblo di Aruba, Korsou y Sint Maarten mester registra pa por vota pa e eleccion Europeo. Por hasi esaki na: www.d66.nl/registreren

Candidata #3 di D66 pa Parlamento Europeo.

Fuerte

Un Europa unda cu cada un di nos ta bon conecta cu otro y ta den cooperacion estrecho cu henter mundo a base di condicionnan honesto y sostenibel.

Social

Un Europa social: oportunidad pa un y tur ta un prioridad halto. Esaki por trata salubridad publico, educacion, mercado laboral of refugiadonan. Tur hende tin e derecho ariba educacion, cuido di salud, y un posicion legal y protehi ariba mercado laboral. Tur hende merece un futuro prospero.

Sigur

Cu mi experencia ariba e area di siguridad y conocimento amplio riba tereno social mi sa cu igualdad social tin un influencia positivo ariba nos siguridad. Esaki na su turno ta rekeri un miho cooperacion den area di siguridad den Europa y un esfuerso colectivo pa cu cybersecurity. Nos tur lo kier subi internet sin preocupacion y sin miedo.

Punto di Bista

E generacion nobo por a beneficia di un Europa sigur y stabiel. Nos por a biaha, sigui un estudio, core stage y bishita famia y amistadadnan. Pa e motibo aki e generacion nobo mester lanta pa proteha e logronan di Europa. Nos kier un bon futuro pa nos mes pero tambe pa nos mayornan y e generacionnan anterior.

Pa un Europa fuerte y sigur, condicionnan honesto y sostenibel ta di gran importancia pa comercio internacional. Aki tambe igualdad di oportunidad ta central paso esaki lo stimula oportunidad pa desaroyo atractivo pa esnan involvi. Hobennan cu bandona nan pais den cantidadnan halto ta causa daño na nan comunidad natal pasobra e migracion aki ta crea pobresa y instabilidad. Un Europa fuerte tambe ta nifica cu lo tin accion vigoroso y husto pa cu e causanan di migracion y proteha migrantenan pa e peligernan cu nan por enfrenta na caminda. Cu otro palabra, una bes cu nos a recibi e personanan aki nan lo pasa door di un proceso lihe y husto. 

Pa cu e islanan den Caribe cu ta parti di Reino Hulandes mester percura pa lo sigiente.

  • Fortifica e lasonan entre Union Europeo cu e islanan den Caribe cu ta forma parti di Reino Hulandes, paso nan tambe ta parti di e famia Europeo.
  • Garantisa pa Aruba, Korsou, Boneiro, Sint Maarten, Saba, y Sint Eustatius acceso pa e fondonan Europeo.

Steunbetuiging Partijleider MEP - Evelyn Wever-Croes